Одил Аҳмедов 4-тур рамзий терма жамоасида

Россиянинг "СЭ" ва "football.kulichki.net" сайтлари "Краснодар" клуби ярим ҳимоячисини ўз рамзий терма жамоаларига киритишди.

"СЭ" нашри Аҳмедов ҳақида шундай ёзади: "Анжи"нинг собиқ футболчиси Краснодарга анча мослашиб олди, майдон марказида у анча яхши ўйнамоқда. Ушбу турда Одил Плетикоса дарвозасига бильярддаги зарба каби гол урди".

"ФНК" сайтида Одилга қуйидагича таъриф берилган "Буқалар"нинг энг омадли тарсферларидан бири - универсал Одил Аҳмедов ҳужум ташкил қилгандек, рақибнинг хавфли вазиятларини ҳам йўққа чиқара олади. "Ростов"га қарши ўйинда футболчи ўз жарима майдонидан рақибникигача бўлган масофада жуда яхши ҳаракат қилди ва жамоадошларига фаол ёрдам бериб, гол уришга муваффақ бўлди. Жарима майдончасида тўп оширишини қабул қилган Аҳмедов, совуққонлик билан тўпни дарвозанинг пастги бурчагига тўғирлаб юборади ва "Краснодар" ғалабасини тўлиқ таъминлайди. Легионер ҳимояда ҳам яхши ҳаракат қилди, шу сабаб Мамаев асосий таркибдаги ўрнини қайтариши учун яхшигина ҳаракат қилишига тўғри келади. Қисқасини айтганда, "Краснодар" икки фронтда алмашиб ўйнай оладиган футболчидан  воз кеча олмайди.