ОЧЛ. "Пахтакор" - "Шаҳр Ходро" учрашувини бошқарадиган ҳакамлар маълум

Шу куни Ўзбекистон чемпиони "Пахтакор" ўз майдонида Эроннинг "Шаҳр Ходро" жамоасини қабул қилади.

"Пахтакор" марказий стадионида ўтадиган беллашувни бошқариб борадиган ҳакамлар номи маълум бўлди. Бу ҳақда "Пахтакор" матбуот хизмати хабар берди. Ўйинни шри-ланкалик Дилан Перера бошқариб боради. Ҳозиргача ушбу рефери "Пахтакор" иштирокидаги беллашувларда ишламаган. Унга Гедара Палитха ва Санжива Премалал қанотларда ёрдам беришади. Япониялик Тору Камикава ҳакамлар назоратчиси вазифасини бажарса, кореялик Жан Хо Кван ўйин комиссари сифатида фаолият кўрсатади.

ОЧЛ, "B" гуруҳи
2-тур, 17.02.2020, 16:00
"Пахтакор" марказий стадиони, Тошкент
"Пахтакор" - "Шаҳр Ходро"
Ҳакамлар: Дилан Перера, Гедара Палитха, Санжива Премалал, Нивон Робеш (барчаси Шри-Ланкадан).
Ҳакамлар назоратчиси: Тору Камикава (Япония).
Комиссар: Жан Хо Кван (Корея).

Эслатиб ўтамиз, "Пахтакор" ОЧЛ 1-турида БААнинг "Шабаб Ал Аҳли" жамоасини Машарипов ҳамда Чераннинг голлари эвазига 2:1 ҳисобида мағлуб этган эди.