ОЧЛ. Навбат "Насаф" ва "Локомотив"га

Ўзбекистоннинг икки клуби ўз иштирокларини ижобий бошлашди дейиш мумкин. "Пахтакор" ўз майдонида 10 киши бўлиб қолганига қарамай Эрон чемпиони пешқадами "Нафт Теҳрон" клубини мағлуб этди - 2:1. "Бунёдкор" эса Саудия Арабистонида "Ал Наср" билан дуранг ўйнади - 1:1.

Бугун яна икки клубимиз мусобақадаги дастлабки ўйинларини ўтказишади.

Қаршидаги "Марказий" стадионда "Насаф" клуби ўз мухлислари қаршисида Эроннинг "Тракторсози" клуби қаршилигини енгишга уриниб кўради. Бу баҳс соат 18:00да бошланади.

Вадим Абрамов бошчилигидаги "Локомотив" эса Саудия Арабистонида "Ал Ҳилол" клубига қарши майдонга тушади. Учрашув Тошкент вақти билан соат 22:30га белгиланган.

Иккала ўйин сайтимиз орқали матнли трансляция қилинади. Бундан ташқари СПОРТ телеканали ҳар иккала баҳсни жонли равишда эфирга узатишни режалаштирган.