ОЧЛ. Бугун "Пахтакор" ва "Бунёдкор" бошлайди
24 feb 2015 08:00
News

ОЧЛ. Бугун "Пахтакор" ва "Бунёдкор" бошлайди

Осиё қитъасининг клублар ўртасидаги энг нуфузли мусобақаси бўлган Осиё чемпионлар лигаси гуруҳ босқичи бугун старт олади.

Мусобақа тарихида илк бор Ўзбекистоннинг 4та клуби гуруҳ босқичида иштирок этади. Шу боис энди ҳар тур мамлакатимиз клублари иштирокидаги 4тадан ўйинга гувоҳи бўламиз.

Бугун "Пахтакор" ва "Бунёдкор" клублари ўйинларини ўтказишса, эртага "Насаф" ҳамда "Локомотив" илк турдаги учрашувларда иштирок этишади.

Ўзбекистон чемпиони "Пахтакор" клуби ўз майдонида Эроннинг "Нафт Теҳрон" клубига қарши ўйнайди. Рақиб жамоа илк бор ОЧЛда иштирок этмоқда. Ушбу баҳс соат 16:30да "Пахтакор" стадионида бошланади.

ОЧЛ плей-оффида БААнинг "Ал Жазира" клубини мағлуб этган "Бунёдкор" бугун Саудия Арабистонида маҳаллий "Ал Наср" клуби билан ҳисоб-китоб қилади. Сергей Лушан шогирдларининг ўйини Тошкент вақти билан соат 22:20да старт олади.

Иккала ўйин сайтимиз орқали матнли трансляция қилинади. Бундан ташқари СПОРТ телеканали ҳар иккала баҳсни жонли равишда эфирга узатишни режалаштирган.

Link :

Source : championat.asia

Receive latest football news directly on your phone. Subscribe for our Telegram channel!

Rating: