ОЧЛ. “Ал Ҳилол” мусобақа финалига 9-маротаба йўл олиб, рекордини янгилади. Риёдликлар 2017 ҳамда 2019 йилларда “Урава”га қарши тўқнаш келган

“Ал Ҳилол” ўз тарихида 9-маротаба (1991, 2000, 2019, 2021 йиллар чемпион бўлган, рекорд) мазкур мусобақа финалига чиқиб, ўз рекордини янгилади. Уларга ҳал қилувчи баҳсда Япониянинг “Урава” жамоаси рақиблик қилади. Эътиборлиси, иккала жамоа 2017 ҳамда 2019 йилларда ОЧЛ финалида ўзаро тўқнаш келган.

2017 йил икки ўйин натижасига кўра, “Урава” (1:1, 1:0) ғолиб келган бўлса, кейингисида “Ал Ҳилол” рақибига имконият қолдирмаган – 1:0, 2:0.

Японияликлар ўз навбатида 4-маротаба ҳал қилувчи баҳсга йўл олди. Улар ҳисобида 2 та (2007, 2017) титул бор.

Эслатиб ўтамиз, ОЧЛ жорий мавсумининг финали ҳам охирги йиллардаги каби 2 ўйиндан иборат бўлади. Дастлабки учрашув 29 апрель куни, жавоб баҳси эса 6 майга белгиланган.

Маълумот ўрнида, мусобақа 2002 йилдан Осиё Чемпионлар Лигаси номини олган. Унгача эса клублар ўртасидаги Осиё чемпионати (1967-1972) ҳамда Осиё чемпионлар кубоги (1985-2002) номи билан аталган.