ОЧЛ. 3-тур рақамлари
15 apr 2019 16:56
News

ОЧЛ. 3-тур рақамлари

Маълумки, 8-9-10 апрель кунлари Осиё чемпионлар лигасида 3-тур беллашувлари ўтказилди.

Қуйида тур ўйинларига бағишланган статистик рақамларни келтириб ўтамиз.

0. Жанубий Кореянинг "Ульсан Хюндай" клуби гол ўтказмаган ягона жамоа бўлиб турибди. "Ульсан" дастлабки турда 0:0 ўйнади ва кейинги икки баҳсни 1:0 ҳисобида ўз фойдасига ҳал этди.

5. ОЧЛда бешта жамоа ҳали ғалаба нашидасини сургани йўқ: "Ал Айн" (БАА), "Гёнгнам" (Ж.Корея), "Жоҳор Дарул Таъзим" (Малайзия), "Мельбурн Виктори" (Австралия), "Сидней ФК" (Австралия).

9. "Ал Иттиҳод"нинг "Локо" устидан 3:2 ҳисобидаги ғалабаси жамоа урган голлари сонини 9тага етказиб олишига замин яратди. Шу билан "Ал Иттиҳод" барча 32 клуб орасида энг кўп тўп киритган жамоага айланди.

10. "Ал Айн" дарвозабони Холид Эйса "Ал Дуҳайл" билан кечган 2:2 ҳисобидаги баҳсда 10 марта сейв амалга оширди.

10. "Ал Райан" ҳужумчиси Гелмин Ривас рақиб дарвозаси томон энг кўп зарба берган футболчи бўлди. У "Ал Ваҳда"га қарши баҳсда тўпга 10 марта зарба берди.

21. Саудия Арабистонининг "Ал Наср" клуби бу турда "Ал Завра"ни 4:1 ҳисобида мағлуб этди. "Ал Наср"нинг тўртинчи голи тўхтовсиз 21 марта тўп узатишдан сўнг амалга оширилди.

116. "Бейжинг" футболчиси Ренато Аугусто бу турда энг кўп пас берган футболчи бўлди. У "Бурирам Юнайтед" билан кечган ўйинда 116 марта тўпни шерикларига узатди.