ОЧЛ-2022. Бир ҳафта ичида "Пахтакор"нинг учала рақибида янги мураббийлар иш бошлади

Ўзбекистон чемпиони "Сепахон" (Эрон), "Ал Дуҳаил" (Қатар) ва "Ал Ал Таавон" (Саудия Арабистони) клубларига қарши кураш олиб боради.

Қизиқарли томони шундаки охирги бир ҳафта ичида ҳар учала рақиб мураббийлар штабида янги мутахассислар иш бошлади.

Кеча, 4 апрель куни "Ал Таавон"нинг португалиялик бош мураббийи Хосе Мануэль Гомеснинг ўрнини нидерландиялик 55 ёшли Жон Ван Дер Бром эгаллади. Ван Дер Бром мураббий сифатида "Андерлехт" билан бирга Бельгия чемпиони ва Суперкубоги соҳиби бўлган. "Генк" устози сифатида Бельгия кубогини қўлга киритган. У 2021 йилнинг декабрь ойида "Генк"дан кетганидан кейин ишсиз юрганди. Фаолияти давомида "Ден Хааг", "Витесс", "АЗ Алкмаар", "Утрехт" (барчаси Нидерландия), "Андерлехт" ва "Генк" (иккаласи Бельгия) клубларини бошқарган.

25 март куни "Ал Дуҳаил" бош мураббийи португалиялик Луис Кастронинг ўрнини аргентиналик машҳур футболчи Эрнан Креспо эгаллади. Креспо мураббийлик фаолияти давомида "Модена" (Италия), "Банфильд", "Дефенса Хустисия" (иккаласи Аргентина), "Сан Паулу" (Бразилия) каби клубларни бошқарди. "Дефенса" билан 2020 йилда "Copa Sudamericana" мусобақасида ғолиб бўлди, 2021 йилда "Сан Паулу" билан Паулиста чемпионати олтин медалларини қўлга киритди.

28 март куни "Сепахон" мураббийлар штабида янги португалиялик мутахассис Луис Мартинес иш бошлади. У бош мураббий Муҳаммад Навидкияга ёрдам беради. Луис Мартинес фаолияти давомида "Спортинг", "Портимоненсе", "Брага" (барчаси Португалия), "Тоттенхэм" (Англия), "Зенит" (Россия), "Ал Аҳли" (Саудия Арабистони) ва Саудия Арабистони миллий терма жамоаларида турли лавозимларда ишлаган.

Эслатиб ўтамиз, "Пахтакор" 7 апрель куни 1-тур доирасида "Сепахон"га қарши майдонга тушади. Баҳс Тошкент вақти билан соат 22:15да бошланади.

Pakhtakor Tashkent Dragan Ceran - 28'

AFC Champions League Grp. D . Round 1 07/04/2022, 23:15 3 : 1 Finished

Sepahan Shahriar Moghanlou - 49', Shahriar Moghanlou - 55', Mohammad Reza Hosseini - 70'

45'

90'

28'  Dragan Ceran

28'  Khozhimat Erkinov

64'  Kamen Hadzhiev

65'  Ikrom Alibaev (Sardor Rashidov)

76'  Azizbek Turgunbaev (Mirzhakhon Mirakhmadov)

88'  Odildzhon Khamrobekov (Diyor Kholmatov)

25'  Shahriar Moghanlou

33'  Soroush Rafiei

34'  Mohammad Karimi

49'  Shahriar Moghanlou

49'  Farshad Ahmadzadeh

55'  Shahriar Moghanlou

55'  Mohammad Nejadmahdi

70'  Mohammad Reza Hosseini

70'  Danial Esmaeilifar

76'  Soroush Rafiei (Masoud Rigi)

87'  Sajjad Shahbazzadeh (Milad Jahani)

87'  Farshad Ahmadzadeh (Jalalaldin Ali Mohammadi)

90'  Mohammad Reza Hosseini (Reza Mirzaei)

Open in Match Center