ОЧЛ-2018. “Насаф” – “Персеполис”. Ўйинолди расмий тадбирлар ҳақида

Учрашув соат 19:30да бошланади.

Ушбу учрашувдан бир кун аввал, яъни эртага якшанба куни ўйинолди расмий тадбирлар бўлиб ўтади.

“Персеполис” вакиллари иштирокидаги ўйинолди матбуот анжумани соат 12:00да бошланади. Унда жамоа бош мураббийи ва жамоанинг бир нафар футболчиси иштирок этишади.  

"Насаф" устози ва бир нафар футболчи иштирокидаги матбуот анжумани эса 12:30да бошланади.

Ўйинолди матбуот анжуманлари “Марказий” стадионнинг анжуманлар залида бўлиб ўтади.

Шу куни ҳар иккала клуб расмийлари иштирокидаги йиғилиш (митинг) соат 13:30да бошланади. Йиғилиш ҳам “Марказий” стадионда бўлиб ўтади. Унда бир қатор ташкилий масалалар қатори, бўлажак учрашувда жамоаларнинг қандай либосларда майдонга тушишига аниқлик киритилади.

“Насаф”нинг ўйинолди расмий машғулоти эртага  соат 18:30да бошланади.

“Персеполис” жамоасининг ўйинолди расмий машғулоти эса соат 19:30да бошланади. Ўйинолди расмий машғулотлари ҳам  “Марказий” стадионда ўтказилади.

Журналистларга расмий машғулотларнинг дастлабки 15 дақиқасини кузатиш имконияти берилади.

Ўйинолди матбуот анжуманларида ва жамоаларнинг расмий машғулотларида клуб томонидан аккредитациядан ўтган журналистлар иштирок этишлари мумкин.