ОЧЛ-2017. “Насаф” плей-офф баҳсини "Бунёдкор" стадионида ўтказиши кутилмоқда

Бунга 13 декабрь куни Малайзиянинг Куала-Лумпур шаҳрида ўтказиладиган ОЧЛ мусобақасига қуръа ташлаш маросимидан сўнг аниқлик киритилади.

ОФКнинг бу йилги квотаси кутилганидек 1+2 кўринишда бўлса, “Насаф” жамоаси бронза медали соҳиби сифатида плей-офф ўтиш босқичидан бошлаши мумкин.
 
Яъни, “Насаф” 31 январь куни дастлабки босқич учрашувини ўз майдонида ўтказади. Аммо жамоа келаси йилги ОЧЛ баҳсларини Қарши шаҳридаги ўз майдонида эмас, балки катта эҳтимол билан Тошкент шаҳридаги “Бунёдкор” стадионида ўтказиши кутилмоқда. Клуб раҳбарияти бу борада Ўзбекистон Футбол Федерациясига расман мурожаат қилган. Сабаби, “Марказий” стадионда кенг миқиёсдаги реконструкция ишлари олиб борилмоқда.

“Насаф” жамоаси учун келаси мавсум одатдагидан эртароқ бошланишини ҳисобга олган клуб раҳбарияти ва мураббийлари, январь ойида хорижий йиғин ташкил қилиш устида ҳам иш олиб боришмоқда.

“Насаф” жамоаси футболчилари 20 декабр куни Қарши шаҳридаги ўз қароргоҳида йиғилади ва келаси мавсум тайёргарликларини бошлайди.