ОЧЛ-2017. "Локомотив"нинг рақиби "Ал Аҳли" мағлуб бўлди

БАА чемпионатининг навбатдаги тур учрашувини ўз майдонида "Ал Айн"га қарши ўтказган "Ал Аҳли" 1:2 ҳисобида мағлуб бўлди.

Учрашувнинг биринчи таймида ҳисоб очилмади. Танаффусдан сўнг 51-дақиқада "Ал Айн" етакчиси Умар Абдулраҳмон ўйиндаги дастлабки тўпни киритди. 87-дақиқада мезбонлар вакили Сайид Жассим Солиҳ ҳисобни тенглаштирди. Лекин 90+1-дақиқа ўтиб бораётган бир пайтда Кайо ғалаба тўпини киритиб, ўз жамоасига уч очкони тақдим этди.

БАА про лигаси
Турнир жадвалида "Ал Аҳли" 16 ўйиндан сўнг 32 очко тўплаган ҳолда 4-ўринда бормоқда. Эслатиб ўтамиз, ОЧЛ 2-туридан ўрин олган "Локомотив" - "Ал Аҳли" баҳси 27 февраль куни ТТЗдаги "Локомотив" стадионида бўлиб ўтади.