ОЧЛ-2016. Чемпион 3 миллион, финалчи 1 миллион доллар мукофот пули олади

Унга кўра кейинги йилги мусобақада ғолиб бўлган клуб 3 миллион долларга бойиб олади. 2015 йилда ОЧЛда ғолиб бўлган "Гуанчжоу Эверганд" клуби финалдаги ғалаба учун 1,5 миллион доллар ишлаб олганди. 

Кейинги йил финалга чиқиб ютқазиб қўйган клуб 1,5 миллион доллар олади. Ярим финалчиларнинг ҳар бирига 200 минг, чорак финалчиларнинг ҳар бирига 120 минг ва нимчорак финалчиларнинг ҳар бирига 80 минг доллар мукофот пули берилади.

Таққослаш учун, плей-офф босқичи учун 2015 йилда клубларга жами 4 миллион 170 минг доллар мукофот пули берилган бўлса, кейинги йилда бу сумма 7 миллион 40 минг долларга тенг бўлади. 

Эслатиб ўтамиз, ОЧЛ-2016да Ўзбекистондан тўрт клуб иштирок этади. "Пахтакор", "Локомотив" ва "Насаф" клублари мусобақани гуруҳ босқичидан бошлашса, "Бунёдкор" плей-оффда иштирок этади.