ОЧЛ-2014. "Локомотив" плей-оффни иккинчи босқичдан бошлайди
26 nov 2013 16:50
News

ОЧЛ-2014. "Локомотив" плей-оффни иккинчи босқичдан бошлайди

2014 йилги Осиё чемпионлар лигасининг саралаш баҳсларида Ғарб минтақасида 12та клуб плей-оффда иштирок этиши маълум бўлди.

Олинган маълумотларга кўра, плей-офф учта босқичдан иборат бўлади.

Дастлабки босқичда 8та клуб ўзаро 4та ғолибни аниқлашади. Иккинчи босқичда эса қолган 4та клуб дастлабки босқичдан муваффақиятли ўтган 4та клуб билан беллашади.

Сўнгги босқичда 4та клуб гуруҳ босқичига йўл оладиган 2та клубни аниқлайди.

ОФК расмий сайтида 2014 йилги тақвимда ОЧЛ плей-оффи учун иккита сана банд қилинган. Унга кўра 8 ва 9 февраль куни дастлабки босқич, иккинчи босқич эса 15 февралга белгиланган. Бироқ иштирокчилар сони кўпайгани сабабли катта эхтимол билан январь ойи сўнггида биринчи босқич бўлиб ўтади.

Ўзбекистон вице-чемпиони "Локомотив" клуби плей-оффни иккинчи босқичдан бошлайди. Бронза медал соҳиби "Насаф" эса мусобақага биринчи босқичда қўшилади.

Link :

Source : championat.asia

Receive latest football news directly on your phone. Subscribe for our Telegram channel!

Rating: