Обамейянг бу тур майдонга тушмайди. Нега?

У клуб раҳбарияти томонидан шундай йўл билан жазоланди.

Маълумотларга кўра, бу жазога Обамейянгнинг машғулотга 20 дақиқа кеч келгани сабаб бўлган. Бундан ташқари, жамоа Испанияга йўл олган пайтда габонлик футболчи байрамда иштирок этган ва жамоанинг собиқ ҳужумчиси, ҳозирда "Барселона"да ўйнаётган Усмон Дембеле билан учрашган. Ижтимоий тармоқларда у укаси Вилли билан тунги клубда дам олаётгани акс этган суратлар тарқалиб кетди. Обамейянг бу ишларни бўш вақтида амалга оширди, бироқ ушбу ҳаракатлар "Боруссия" раҳбариятидаги ҳаммага ҳам ёқмаган.

Футболчи авваллари ҳам шундай ишлар қилган: 2016 йилнинг ноябрь ойида у жамоа собиқ мураббийи Томас Тухель томонидан "Спортинг"га қарши Чемпионлар лигаси учрашувидан (1:0) четлатилган эди. Бунга сабаб қилиб у Миланга боргани кўрсатилган. 2017 йилнинг апрель ойида эса Обамейянг "Шальке-04"га қарши учрашувда (1:1) гол уриб Nike компаниясининг "Ўргимчак одам" услибидаги ниқобини кийгани туфайли жазоланган.