Нойер қачон майдонга қайтади?
24 mar 2018 23:09
News

Нойер қачон майдонга қайтади?

“Бавария” посбони Мануэль Нойер оғир жароҳатдан аста-секин қутилмоқда.

Сешанба куни 32 ёшга тўладиган Нойер сентябрь ойидан буён жароҳати боис майдонга туша олмаяпти.

Германия термаси посбонининг реабилитация жараёни режадагидек кетадиган бўлса, кейинги ҳафтадан бошлаб индивидуал тарзда машғулотларни бошлаши мумкин.

Нойернинг ўзи ушбу мавсумда майдонга тушишдан умидвор, аммо унинг қачон майдонга қайтиши борасида аниқ бир вақтни айтиш мушкул.

Футболчи ҳар куни олти соат давомида тикланиш дастури асосида машқ қилмоқда.

“Албатта мен сабрсизлик билан яшил майдонга чиқишимни кутаяпман. Ҳар бир спортчининг ўзига хос амбицияси бўлади. Доим мухлис ролида бўлиш жудаям оғир. Шифокорларим билан олдимизга аниқ мақсад қўйганмиз ва шу асосда тикланиш жараёнини ўтаяпман. Мени қўллаб-қўвватлаётгани учун уларга миннатдорчилик билдираман”, дейди Нойер.

Link :

Source : "Бавария" расмий сайти

Receive latest football news directly on your phone. Subscribe for our Telegram channel!

Rating: +47