Нойер: "Ҳаммасини унутиб, зарбаларни қайтаришга уриндим"

"Мен ҳеч қачон бундай учрашувда иштирок этмаганман. Мана буни пенальтилар серияси деса бўлади. Ҳақиқий драма! Уч жамоадошим пенальтидан гол ура олмади, аммо биз ғалаба қозона олдик. Афсуски, асосий вақтда рақибни мағлуб эта олмадик. Аммо Италия жуда яхши курашди. Жуда қийналдик. Пенальтилар сериясида осон бўлгани йўқ. Асаблар синови. Ҳаммаси ҳақида унутиб, зарбаларни қайтаришга уриндим ва йигитлар гол уришига умид қилдим. Асосийси, биз биргаликда ғалаба қозондик.

Мен доимо зарба берувчига қарашга интиламан. У қайси тарафга тепишини билишга ҳаракат қиламан. Одатда футболчилар сўнгги онда буни ҳал қилишади. Бунинг устига, италияликлар ҳам ўйинимни ўрганган. Германия пенальтилар сериясида яхши ҳаракат қилади деб ўйлаганим йўқ. Чунки бир учрашувда ҳамма нарса содир бўлиши мумкин. Статистикага ишониб бўлмайди. Фақат ўзингизга таянасиз" - дейди Нойер.