Норчаев "Алания"даги дебют голини урди
26 feb 2023 21:31
News

Норчаев "Алания"даги дебют голини урди

Мавсумнинг иккинчи қисмига Туркияда тайёргарлик кўраётган Владикавказнинг "Алания" клуби бугун назорат ўйини ўтказди.

"СКА-Хабаровск"га қарши кечган назорат ўйини 4:2 ҳисобида владикавказликларнинг ғалабаси билан якун топди.

Бир неча кун олдин "Алания" футболчиси сифатида таништирилган "Насаф" собиқ ҳужумчиси Ҳусайн Норчаев ўйинни захирада бошлади. Иккинчи бўлимда ўйинга қўшилган Норчаев майдонга тушиши билан пенальти ишлади ва уни ўзи голга айлантириб, янги жамоасидаги дебют голини уришга муваффақ бўлди.

"Алания" - "СКА-Хабаровск" 4:2

Голлар: Засеев 35, Норчаев 48, Корян 73, Коротков 82 - Бавин 5, Левицкий 64.

Норчаев урган гол видеосини ТЕЛЕГРАМ КАНАЛИМИЗдан кўчириб олишингиз мумкин.