Нўъмон Ҳасанов: "Насаф"га қарши алоҳида тайёргарлик кўрдик"

- Эртага бизни жуда муҳим баҳс кутиб турибди. Ҳар иккала жамоа ҳам бир-бирини жуда яхши билади. Эртанги учрашувда бош мақсадимиз ғалаба қозониш. Биз бу мавсумга жиддий тайёргарлик кўрдик. Ўзбекистон суперкубоги олдидан ҳар иккала жамоаларда ғолибликни қўлга киритиш учун имкониятлар тенг деб ўйлайман. Бу каби учрашувларда биргина гол ҳамма нарсани ҳал этиши мумкин. Эртага ким яратилган имкониятлардан унумли фойдалана олса ўша жамоа ғалаба қозонади.

- Эртага янги футболчиларни майдонга туширасизми?

- Биз янги маҳоратли футболчиларни ўз сафимизга қўшиб олдик. Суҳроб Бердиев, Ойбек Қиличев, Темур Жўраев сингари футболчилар қўшилишди. Умуман олганда ушбу футболчилар ҳам майдонга тушишга тайёр. Таркибимизни тарк этган футболчилар билан яхши муносабатда хайрлашдик. Лекин ҳозирги мавжуд футболчиларимиз ҳам ёмон эмас. "Пахтакор" асосан ёшларга таяниб ўйнайди. Биз ёшларга имконият берамиз. Мен жамоамизга ишонаман.

- "Насаф"га қарши алоҳида тайёргарлик кўрилдими ёки умумий тайёргарлик олиб борилдими?

- Албатта биз бу жамоага қарши алоҳида ҳозирлик кўрдик. Уларнинг ўйинларини ўрганиб чиқдик. "Насаф" одатда очиқ ва ҳужумкор футбол кўрсатади. Биз рақибни диққат билан ўрганиб чиқдик.

- "Насаф"га қарши баҳсда Темур Жўраевга имконият берасизми ёки Рибкин майдонга тушадими?

- Жамоамиз дарвозасини эртанги ўйинда Рибкин қўриқлайди.

Шерзод Каримов: Биз Ўзбекистон суперкубогини қўлга киритишни хоҳлаймиз. Эртага мухлисларимизга ғалабани тақдим этамиз деган умиддаман. Биз ўйинга жиддий тайёргарлик кўрдик ва баҳсга тайёрмиз.