Ньом Винисиусни юзига ургани учун 2 та ўйинга четлатилди
22 oct 19:15
News

Ньом Винисиусни юзига ургани учун 2 та ўйинга четлатилди

"Хетафе" ҳимоячиси Аллан Ньом Винисиус Жуниорга юзига ургани учун икки ўйинга дисквалификация қилинди.

"Реал" Ла Лиганинг 9-турида меҳмонда "Хетафе"ни 1:0 ҳисоби билан мағлуб этди.

77-дақиқада захирадан майдонга тушган Ньом бор-йўғи 44 сония ўтгач, қанотда Винисиус билан тўқнашди ва қўлини чиқариб, унинг юзига тегиб кетди. Бразилиялик вингер ерга йиқилди. Бош ҳакам Хосе Мунуэра Монтеро дарҳол қизил карточка кўрсатди ва эпизодни қайта кўриб чиқмади. "Хетафе" ўйинни тўққиз киши билан тугатди – 84-дақиқада Алекс Санкрис Винисиусни оёғига тепгани учун иккинчи сариқ карточкани олди.

Испания футбол федерацияси (RFEF) Ньомни "тўпга етиб бориш имкони бўлмаган ҳолда агрессив ҳаракат қилгани учун" икки ўйинга четлатди.

Шундай қилиб, Аллан "Атлетик" ва "Жирона"га қарши ўйинларда майдонга тушмайди.

Link :

Source : As

Receive latest football news directly on your phone. Subscribe for our Telegram channel!

Rating: -2