Latest news

10:15"Ньюкасл" "Реал" футболчисига 100 миллион евро таклиф қилди  0 09:43Испания терма жамоасининг бўлажак ўйинлар учун таркиби маълум  1 09:16"Манчестер Сити" ҳимоячиси учун курашга "Тоттенхэм" ҳам қўшилди  0 08:48Here we go! "Арсенал" яна бир трансферни якунлади  3 08:20Антонининг "Бетис"га трансфери барбод бўлди  4 07:42Испания терма жамоаси аъзоси АПЛнинг ўртамиёна клубига ўтди  0 07:15CAFA. Бугун Ўзбекистон МТЖ ўз юришини бошлайди  14 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  21 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  9 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  4 22:55Суперлига. "Динамо" — "Андижон" ўйини 15 ноябрь куни ўтказилади  1

Нобель Арустамян: "Чиндан Тошкентда қариндошларим бор" News

Нобель Арустамян: "Чиндан Тошкентда қариндошларим бор"

Соат 19:00да "Пахтакор" стадионида Ўзбекистон ва Италия А серияси афсоналари ўртасидаги ўйин бошланади.

Ушбу жараённи бевосита стадиондан шарҳлаб бориши учун россиялик шарҳловчи Нобель Арустамян ҳам таклиф қилинган. "Championat.asia"нинг россиялик журналисти Николай Егоричев меҳмоннинг таассуротлари билан қизиқди.  

"Ҳа, чиндан Тошкентда қариндошларим бор. Шундай бўлганки, бир-биримизни умумий танишлар орқали топганмиз. Меҳмонга бирор жойга боришга улгурмадим. Сабаби дастурим жуда тиғиз, ташкилотчилар билан кўришдим, мени Тошкентга анчадан буён таклиф қиладиган танишларим бор эди. Улар келишим билан мени "эътиборга кўмиб ташлашди". 

Бугун баъзи эътиборга лойиқ жойларда бўлдик. Номини эслолмаяпман, бир масжидга бордим, унинг ичига ҳам кирдим. Жараён қизиқ бўлди ва менга жуда ёқди. Табиийки ош едик, шўрва ичдик. Қандайдир шаршага ҳам бордик. Умуман олганда барчаси ажойиб ва тақвим жуда тиғиз.   

Кеча ташкилотчилар томонидан ўзига хос кечки овқат дастурхони ёзилди. Таомномани тузишда миллийликка алоҳида эътибор қаратилганини сездим. Буларнинг барчаси менга ёқди.    

Ўзбекистонлик футболчилар чет элга танилиб улгурган. Бу кучсиз терма жамоа эмас. Ўзбекистон термаси доим ЖЧ йўлланмаси учун кураш олиб боради. Жамоангизга доимо 1-2 очко етмай қолади ва бу мени ранжитади. Мунтазам равишда мундиал учун курашнинг охирги босқчиларига қадар етиб борилгани учун футболчиларингиз маълум даражада машҳурликка эга. Россиядаги мухлислар учун ҳар ҳолда яхши таниш ўйинчиларингиз бор.    

Ўйинга бир соатдан кўпроқ вақт қолмоқда. Мухлисларнинг каттагина қисми эса келиб бўлган. Ўйлашимча, бироздан сўнг бу ерда катта байрам бўлади. 

Мен Заккардо, Жилардиньони аввалдан танийман. Бироқ бу ерда улар учун тузилган махсус дастури бор ва шу сабаб уларни чалғитмасликка қарор қилдим. Меҳмонхонада фақатгина икки оғиз суҳбатлашдик. Улар ҳам кутиб олиш ва кеча бўлган кечки овқат, миллийликдан ҳайратда", - деди Нобель Арустамян. 

Rating: +15   

Comments

championat.asia
< show latest news
Яндекс.Метрика