Никола Лазаревич: "Бугун нозик жойимиздан панд едик"

Ўйин ҳақида

"Нефтчи"ни ғалаба билан табриклайман. Бугунги ўйин учун ўз жамоага раҳмат айтмоқчиман. 

Биринчи даврадаги ўйиндан фарқли ўйин бўлишини билардим, сабаби "Нефтчи"да мураббий ўзгарди. Биз бугун нозик жойимиз бўлган стандартлардан гол ўтказдик. Рақибдан шундай ўйин кутгандик. "Нефтчи"нинг ҳимоясини ёриб киришга қийналдик. 

- Комолафени анча барвақт алмаштиришингизнинг сабаби нима?

- Мураббийлар штаби бугун унинг куни эмаслигини сездик. Пол учрашув бошидан уни алмаштиргунимизгача ўзига ўхшамади. 

- Учинчи марта "Нефтчи"га қарши ўйнадингиз: иккита чемпионатда ва битта кубокда. Балки йигитларингиз "Нефтчи" қуйи ўринларда бораётгани учун менсимагандир...

- Бундай ўйламайман. Рақибни менсимаслик каби ҳолат бўлмади. Биз бугун фақат ғалаба учун ўйнадик. 

- Нестеров ўйин тугаганидан кейин мухлислар билан тортишиб кетди. Бунга қарайсиз? 

- Тўғриси буни кўрмадим. У тажрибали футболчи. Игнатий 20 йилдан буён футбол ўйнамоқда. Балки мухлислар провакацион ҳаракат қилишгандир...

- Темурхўжа Абдухолиқов деярли ҳар ўйинда гол ураётганди. Бугун эса бундай бўлмади, унинг ўйинига қандай баҳо берасиз? 

- Рақиб уч нафар марказий ҳимоячи билан ўйнашини билардик. "Нефтчи" ҳимояси яхши ҳимояланди ва ҳужумчиларимиз ўзларини кўрсата олишмади. 

- Бугунги мағлубиятдан кейин "Қизилқум"да совринли ўринлар учун курашиш учун имконияти қандай? 

- Ҳали имкониятимиз бор, биз охиригача курашамиз", деди навоийликлар устози.