Неймарнинг отаси: "Барселона" 26 млн. евролик бонусни тўламади"

"Ўғлим бахтли ва унинг танловини ҳурмат қилишимиз керак. Бизда ҳаммаси ҳақида ўйлаб олиш учун вақт бўлди ва бу танлов керакли вақтда амалга оширилди деб умид қиламиз. У ўз тақдирини ўзгартирмоқчи бўлди. Нега сизлар Неймар ПСЖда "Олтин тўп" олиши аниқ деб ўйлаяпсиз? Аксинча, "Барселона"да буни бажариш анча осон эди.

26 млн. евро миқдоридаги бонусга келадиган бўлсак, агар "Барселона" бу пулларни тўламаса мен ҳеч нарса қила олмайман. Клубни шантаж қила олмайман. Ҳозир "Барселона"дан хафсалам пир бўлди. Клубдагилар ўғлимни "Барселона"да қолишга кўндиришимни исташган эди, аммо раҳбарият томонидан бўлган бундай муносабатдан сўнг нима дейишим керак?

Бу банд шартномада кўрсатиб ўтилган. У туфайли бадал пули ошди. Аммо агар ўзлари гапираётган гапни ҳурмат қилмаса, ёзилганларни ҳам ҳурмат қилмайман" - дейди футболчининг отаси.