Неймар Мбаппенинг қарорига муносабат билдирди

"Менимча, ПСЖ лойиҳаси айнан Килианга керак бўлган нарса, бу унинг фаолияти учун тўғри қарор ҳисобланади. Мбаппе бу ерда яна бир неча йил ўтказади, ўз мамлакатида, ўз шаҳри жамоасида Чемпионлар лигасида ғалаба қозонишга ҳаракат қилади. Менимча, у тўғри танлов қилди", - деди 30 ёшли бразилиялик футболчи.

Эслатиб ўтамиз, Килиан Мбаппе "Реал"га ўтиш ўрнига ПСЖ билан шартномани 3 йилга узайтиришга қарор қилди.

23 ёшли франциялик ҳужумчи парижликлар сафида 217 та ўйинда 171 та гол урган.