Неъматилло Қуттибоев: "Қийин ўйин бўлишини билардик"

Ўйин ҳақида

- Ўйин ҳақиқатдан ҳам оғир кечди. Танаффусдан кейин дастлабки ўйинга киришиш осон бўлмайди. Қийин ўйин бўлишини билардик. "Дўстлик" жамоасига янги бош мураббий келди, таркибга бир қатор янги футболчилар жалб этилди. Шунга қарамасдан бугунги ўйинда ғалабани мақсад қилгандик, бунга эришдик.

Жамоа аъзоларига бугунги ўйин учун рахмат айтаман. Шунингдек, бизни доим қўллаб-қувватлаб келаётган мухлисларимизга миннатдорчилик билдираман.

- Бугунги ўйинда "Дўстлик" сафида гол киритган Темур Усмонов "Арал"да ҳам ўйнаб кетганди. Шу футболчи ҳақида фикрингиз?

- Албатта, Темур бизнинг жамоада ҳам ўйнаган. У ўзбек футболида таниқлилардан бири. Гол кирита олдими, демак шунга мос маҳорати бор.