"Нефтчи"ни "Андижон" билан ўйинга ким тайёрлайди?

Катта эҳтимол билан "Нефтчи" - "Андижон" ўртасидаги учрашув декабрь ойида ўтказилади. Мухлислар яна бир қизиқарли водий дербисини кўришларига шубҳамиз йўқ. Лекин қизиқ бош мураббийсиз қолган "Нефтчи"ни ҳал қилувчи учрашувга ким ҳозирлайди? Яқинда ўтган йиғилишда вилоят ҳокими Хайрулло Бозоров  "Андижон" билан бўлиб ўтадиган ўйинга етарлича тайёргарлик кўриш ҳамда ижобий натижа кўрсатиш бўйича "Нефтчи" футбол клуби масъулларига тегишли кўрсатма ва топшириқлар бериб ўтган эди. Олдинда вақт оз қолмоқда. Балки, катта ўзгариш кўрмасмиз. Абдусамад Дўрмоновга ёрдам бериб келаётган Сергей Лебедов ҳам жамоани охирги учрашувга тайёрлаш эҳтимоли ҳам мавжуд. Бу борада яқин орада янгилик кўриб қоламиз деган умиддамиз. Сўнгги маълумотларга қараганда бир қатор мураббийлар номзоди кўриб чиқилмоқда экан. Воқеалар ривожини кузатишда давом этамиз.