"Нефтчи" таътилдан қайтди
02 sep 2014 17:00
News

"Нефтчи" таътилдан қайтди

Олий лиганинг 18-туридан сўнг юзага келган кичик танаффус туфайли, "Нефтчи" футболчиларига маълум муддатга дам берилганди.

Кеча футболчилари яна клуб қароргоҳида йиғилди ва кечки маҳал енгил машғулот ўтказилди. Айтиш керакки, "Нефтчи" навбатдаги турни сафарда "Машъал"га қарши ўтказади. 12 сентябрь куни кечадиган ўйинга қадар жамоа ўз қароргоҳида шуғулланади.

Бош мураббий Мурод Исмоиловнинг айтишича, терма жамоа йиғинида иштирок этган Сардор Раҳмонов, Жавоҳир Расулов ҳамда Абдуллоҳ Олимов яна "Нефтчи" ихтиёрига қайтган.

Жароҳат сабабли сафдан чиққан Шерзод Ҳакимов билан Сардор Мирзаев ҳамон даволаниш билан банд. Умиджон Қодировда ҳам енгил жароҳат мавжуд. Лекин у шу кунларда умумий гуруҳ машғулотларига қўшилади.

Link :

Source : fcneftchi.uz

Receive latest football news directly on your phone. Subscribe for our Telegram channel!

Rating: