Назорат учрашуви: “Қизилқум”- “Қўқон-1912” 3:2

“Чиғатой” спорт базаси сунъий қопламали майдонида ўтказилган беллашув голларга бой бўлди ва якунда жамоамиз ғалабага эришди.

Беллашувда жамоамиз таркибида янгидан келиб қўшилган Мурод Бобожонов ҳисобни очди. Орадан кўп ўтмай яна яна Бобожонов рақиб посбони билан бирга бир вазиятга чиқиб борди ва тўпни унинг устидан ошириб, дарвозага йўллади.

Иккинчи бўлим бошларида Элдор Бойматов ўнг қанотдан узатилган тўпни рақиб жарима майдончаси яқинида тўхтатиб олди ва кучли зарбаси билан ҳисобни йириклаштирди.

Шундан сунг вакилларимиз бироз хотиржамликка берилишди натижада қўқонликлар иккита жавоб голини киритишга муваффақ бўлишди. Дастлаб Шаҳбоз Эркинов бурчакдан узатилган тўпни дарвозага йўллаган бўлса, иккинчи голга Суҳроб Бердиев муаллифлик қилди. Дарвоқе иккинчи бўлим ўрталарида вакилларимиз ҳисобни янада оширишлари мумкин эди. Дониёр Усмоновга нисбатан ишлатилган қўполликдан кейин белгиланган пеналтини Муҳсин Убайдуллаев аниқ амалга ошира олмади...

“Қизилқум” футболчилари Тошкент йиғини давомида навбатдаги назорат учрашувини 21 январь куни АГМКга қарши ўтказишади.

Ўртоқлик учрашуви

“Қўқон-1912” – “Қизилқум” – 2:3 (0:2)

Бошҳакам: И. Ибрагимов. 

Голлар: Шахбоз Эркинов, Суҳроб Бердиев. – Мурод Бобожонов 2 та, Элдор Бойматов. 

“Қўқон-1912: 71. Сарвар Каримов, 4. Баҳодир Акрамов, 7. Жамшид Ҳасанов, 14. Аваз Маматхўжаев, 15. Убайдулло Холиқов, 17. Қувондиқ Рўзиев, 19. Суҳроб Бердиев, 22. Мурод Холмуҳаммедов, 23. Александр Мерзляков, 70. Шаҳбоз Эркинов, 79. Иқбол Маликжонов.

Захира: 30. Ислом Абдуллаев, 11. Темур Ҳакимов, 55. Суҳроб Неъматов, 65. Ориф Мамажонов. 

“Қизилқум”: 77. Евгений Черемисин, 4. Эркин Бойдуллаев, 9. Сардор Жаҳонов, 10. Алишер Саноев, 14. Файзулло Қамбаров, 17. Акрам Баҳриддинов, 21. Муҳсин Убайдуллаев, 23. Шерали Жўраев, 30. Мурод Бобожонов, 50. Элдор Бойматов, 91. Салим Мустафоев.

Захирадан майдонга тушганлар: 11. Бегзод Ғанижонов, 18. Азиз Усмонов, 44. Миржалол Қосимов, 84. Тимур Усмонов.