Назорат учрашуви. "Пахтакор" (ёшлар) - "Шўртан" 4:2

Шу кунларда ўқув-йиғин машғулотларини Тошкентда олиб бораётган “Оқ бўрилар” жамоаси режага киритилган дастлабки синов назорат учрашувини ўтказди. “Чилонзор” сунъий қопламали стадионда ўтган баҳсда ғузорликлар жамоасига ёш "пахтакорчилар" рақиб бўлишди. Мазкур баҳс Илҳом Мўминжоновнинг ёш футболчилари учун яқинда Аппенин ярим оролида бошланадиган халқаро турнир олдидан ўзига хос сўнгги тайёргарлик босқичидан бири бўлиб хизмат қилди.  “Шўртан” жамоаси бош мураббийи Мухтор Қурбонов эса фурсатдан фойдаланиб, ўз қўл остида кўрикдан ўтаётган бир қатор номзодларни синовдан ўтказиб олди.  

Энди “Шўртан” жамоаси навбатдаги учрашувни 30 январь куни ғузорликлар учун бегона бўлмаган мутахассис – Эдгар Гесс шогирдларига қарши ўтказади.

“Шўртан” – “Пахтакор” (ёшлар) – 2:4
Ҳакамлар: Н.Болтаев, Б.Қодиров, А.Қодиров
“Шўртан”: Роман Абдулов, Зоҳид Раупов, Ҳусниддин Ғофуров, Асрор Алиқулов, Жамол Отақулов, Мақсуд Маҳмудов, Ислом Каримов, Ғуломҳайдар Ғуломов, Александр Востриков, Ботир Қодирқулов, Абдулатиф Абдуқодиров.
Захирадан майдонга тушганлар: Жамшид Ҳошимов, Сирожиддин Аллаев, Жамшид Умаралиев, Аравик Бабаев, Олим Каримов, Ғулом Раҳмонов, Шахзод Хурсанов, Дилшод Донаев, Элёр Интизомов, Равшан Абдураҳмонов, Висол Магерамов, Умар Эшмуродов, Санжар Тўрақулов.
"Пахтакор": Эргашев, Толипов, Иброҳим Абдуллаев, Убайдуллаев, Комилов, Болтабоев, Соҳибов, Темур Ҳакимов, Сиддиқов, Махситалиев, Жасур Ҳакимов.
Захирадан тушганлар: Талгатов, Иззатилла Абдуллаев, Сидоров.
Голлар: Б.Қодирқулов (26), Ғ.Раҳмонов (65) – А.Махсталиев (52-пенальтидан, 75-пенальтидан, 80-пенальтидан), Т.Ҳакимов (61).