Назорат учрашуви. "Оқ-тепа" - Ўзбекистон (U19) - 2:1

Сўнгги ойда ўтказилган ўртоқлик учрашувларининг деярли барчасида мағлубиятга учраган “Оқ-тепа” бугун ғалаба қозонди. Сергей Лушан бошчилигидаги Ўзбекистон ёшлар терма жамоасига қарши кечган баҳс 2:1 ҳисобида вакилларимиз фойдасига ҳал бўлди. Дастлаб, биринчи бўлим охирларида Алишер Шоғуломовнинг ажойиб пасини ҳужумчи Хуршид Йўлдошев гол билан якунлади. Танаффусдан сўнг Никита Павленко жуда чиройли гол муаллифига айланди. Чап қанотдан ҳужумга ўтган ярим ҳимоячи 25 метрлардан дарвозани нишонга олди. Учрашув якунланишига олти дақиқа қолганида ҳисоб қисқарди. Терма жамоа ҳужумчиси Алишер Мирзаев жарима майдони ичида чаққон ҳаракатлари билан ҳимоячиларимизни доғда қолдириб, дарвозани ишғол қилди. Қолган дақиқаларда ҳисоб бошқа ўзгармади.

Эслатиб ўтамиз, жамоамиз навбатдаги ўртоқлик учрашувини эртага Қозоғистоннинг “Булат” клубига қарши ўтказади. Беллашув “Чилонзор” сунъий қопламали майдонида бўлиб ўтади. Баҳс 16:00да бошланади.


Назорат учрашуви
“ОҚ-ТЕПА” – ЎЗБЕКИСТОН ё.т.ж. – 2:1 (1:0)
25 март. Тошкент. “Оқ-тепа” стадиони.
Бош ҳакам: Игорь Худойдотов.
“Оқ-тепа”: Асилбек Омонов (Шоҳруҳ Эшбўтаев, 76), Нодир Тешабоев, Дониёр Усмонов, Темур Турдиев (Сергей Рекун, 72), Саид Топилов (Шоҳруҳ Пирназаров, 74), Алишер Шоғуломов, Собир Усмонхўжаев (Нодир Саъдуллаев, 72), Илдар Магдеев (Зокир Мирзааҳмедов, 77), Хуршид Йўлдошев Хуррамович, Никита Павленко, Темур Усмонов.
Голлар: Хуршид Йўлдошев Хуррамович, 42 – 1:0. Никита Павленко, 68 – 2:0. Алишер Мирзаев, 84 – 2:1.