"Навбаҳор"нинг Тошкентда "Локомотив" устидан ягона ғалабасига 10 йил бўлди

Мана шу учрашувга бугун 10 йил бўлди. ТТЙМИ стадионида кечган баҳсда меҳмонлар 3:1 ҳисобида зафар қучган ҳамда ушбу ғалаба ҳозиргача "Навбаҳор"нинг Тошкентда "Локо" устидан ягона ғалабаси бўлиб қолмоқда. 

10 йил олдин олий лиганинг 6-туридан ўрин олган баҳс жуда қизиқ кечганди. Учрашувда дастлаб Алишер Маҳмудов ҳисобни очган, биринчи тайм тугашига бир дақиқа қолганида мезбонлар ҳужумчиси Фарҳод Усмонов ҳисобни тенглаштирганди.

Иккинчи бўлимда эса Отабек Валижонов жарима тўпини чиройли тарзда амалга ошириб, Александр Филимонов дарвозасини ишғол қилганди. "Локо" ҳисобни тенглаштиришга ҳарқанча уринмасин, гол кирита олмаган, бунинг устига 82-дақиқада Рустам Аъзамовнинг автоголи эвазига учинчи тўпни ўтказиб юборган.

Ўйинни кўриш учун Намангандан кўплаб мухлислар ташриф буюрганди. Ўйин тугаши билан кўпчилик ишқибозлар майдонга тушиб кетгани ҳамон ёдимизда. Ўшанда Виктор Жалилов қўл остидаги "Навбаҳор" Тошкентдан ғалаба билан қайтган. Лекин шундан бери "Навбаҳор" сафарда "темирйўлчилар"ни мағлуб эта олмаяпти.

Олий лига, 6-тур. 24.04.2010 

"Локомотив" - "Навбаҳор" 1:3 

Голлар: Фарҳод Усмонов (44) - Алишер Маҳмудов (19), Отабек Валижонов (74), Рустам М. Аъзамов, (автогол - 82). 

"Локомотив": Александр Филимонов, Евгений Гоголь, Александр Токов, Рустам М. Аъзамов, Баҳром Юлдашев, Кахи Махарадзе, Дилшод Жабборов, Рустам Р. Аъзамов (Тимур Васильев, 35), Жавлон Иброҳимов (Тимур Айзаттулов, 67), Олим Новкаров (Арам Восканян, 52), Фарҳод Усмонов. 

"Навбаҳор": Микола Павленко, Александр Половков, Раҳматилло Бердимуродов, Юрий Целих (Максим Кривий, 78), Алишер Маҳмудов (Иван Иван, 56), Отабек Валижонов, Тимур Султонов, Акмал Холмуродов, Суннатилла Мамадалиев, Ғайрат Жўраев (Элёр Жаҳонов, 65), Дилшод Шарофетдинов. 

Бош ҳакам: Марат Исмоилов.