“Навбаҳор”нинг 70 фоиз футболчилари жамоа билан хайрлашиши кутилмоқда

Бунга энг асосий сабаб дея клубда юзага келган молиявий муаммолар айтилмоқда. Олинган маълумотларга кўра, “лочинлар” қарийиб 5 ойдан буён ойлик маошларини олмай келишмоқда. Шунингдек клубнинг футболчилар олдида 10та мукофот пули қарздорлиги ҳам турибди. Деярли ярим йилдан буён маошсиз ўйнаб келаётган футболчиларнинг ҳар бирига чемпионатнинг сўнгги турида, яъни “Локомотив”га қарши учрашувдан сўнг 500 000 сўмдан ёрдам пули бериб турилгани борасида эшитдик.
Бундан паймонаси тўлган футболчилар келаси мавсумни бошқа клубда ўтказиш ҳақида ўйламоқда. Жамоанинг етакчи ўйинларини эса бошқа клублар аллақачон ўз сафига таклиф этган.

Агарда клуб раҳбарияти футболчилар билан йил охиригача ҳисоб-китоб ишларини тўлиқ амалга оширмаса, у холда келаси йил янгитдан жамоа тузишга тўғри келади. Бош мураббий Бахтиёр Ашурматовнинг ҳам масаласи ҳозирча очиқ турибди.