"Навбаҳор": Ваҳимага ўрин йўқ
25 jul 2020 19:41
News

"Навбаҳор": Ваҳимага ўрин йўқ

“Навбаҳор” жамоаси аъзоларининг шу ҳафта аввалида коронавирусга қарши топширган тест натижаларига кўра, бир нафар футболчининг тест натижаси мусбат кўрсаткич қайд этди.

Натижада ушбу ўйинчи жамоадан ажратилиб, қатъий изоляцияга олинди.

Шу боис, 24 июль куни “Навбаҳор” ходимлари, мураббийлар штаби вакиллари ва футболчилар яна бир маротаба коронавирусга қарши тест топширишди ҳамда тест натижалари жамоанинг қолган вакилларида манфий кўрсаткич қайд этди.

“Навбаҳор”нинг бир нафар футболчисида коронавирус аниқланганлиги ижтимоий тармоқлардаги саҳифаларда эълон қилинганлиги жамоанинг кўплаб мухлисларини ташвишга солди.

Бироқ ваҳимага ҳожат йўқ, яна бир бор таъкидлаймиз, коронавирусга чалинган футболчи қатъий изоляцияга олинган.

Жамоанинг қолган аъзолари эса машғулотни давом эттиришмоқда.

“Навбаҳор” ПФК матбуот хизмати.

Link :

Source : pfcnavbahor.uz

Receive latest football news directly on your phone. Subscribe for our Telegram channel!

Rating: +16