"Навбаҳор" ва "Пахтакор" нишонидаги футболчи кимни танлайди?
10 dec 2018 12:19
News
"Навбаҳор" ва "Пахтакор" нишонидаги футболчи кимни танлайди?
Жорий мавсумда "Қўқон-1912" жамоаси дарвозасини ишончли қўриқлаган Ўткир Юсуповнинг қўқонликлар билан тузган шартномаси йил охирида тугайди. "Машъал" тарбияланувчиси ҳисобланган Ўткир Юсупов олдида айни пайтда учта вариант пайдо бўлган. Гарчи шартнома якунига етган бўлсада, "Қўқон-1912" клуби Юсуповни жамоада олиб қолмоқчи ва ўртадаги битимни узайтириш пайида. Юсупов олдида эса бундан ташқари "Пахтакор" ва "Навбаҳор" жамоаларидан таклифлар тушган.
Футболчи айни пайтда келгуси режалари ҳақида бош қотирмаяпти. Кўп нарса йил сўнггида маълум бўлади.
Эслатиб ўтамиз, Ўткир Юсупов Ўзбекистон терма жамоасининг Туркия йиғинига кетадиган рўйхатига киритилган ва посбон айни пайтда Осиё Кубогига борадиган таркибга кириш учун курашмоқда.

Ўткир Юсупов жорий мавсумда Суперлигадаги барча ўйинларда тўлиқ ўйнаган ягона футболчи. Юсупов Суперлигада 32 ўйинда майдонга тушди ва ўз дарвозасидан 28 маротаба тўп олиб чиқди. Мазкур учрашувлардан 9 тасида кипер ўз дарвозасини қуруқ сақлашга эришди.

Қайд этиш керакки, "Машъал" академияси тарбияланувчиси саналган Ўткир Юсупов бунга қадар "Насаф", "Нефтчи" ҳамда "Қўқон-1912" жамоалари шарафини ҳимоя қилган.
Similar news
championat.asia
Элит ОЧЛ. "Насаф" сўнгги дақиқаларда тўп ўтказиб, ўз майдонида "Ал Ваҳда"га ютқазди
U-17 Жаҳон чемпионати. Ўзбекистон ўсмирлар терма жамоаси илк турда Парагвайни мағлуб этиб, мусобақани ғалаба билан бошлади
ЕЧЛ. "Ливерпуль" ўз уйида "Реал Мадрид"ни мағлубиятга учратди
Элит ОЧЛ. Рўзиқул Бердиев: "Кучимиз борича рақибга қаршилик кўрсатдик"
Comments