"Навбаҳор" - "Насаф". "Аждарлар"нинг Намангандаги омадсиз серияси давом этадими?

Ўйиндан олдин ушбу тўқнашув ҳақидаги маълумотларни тақдим этамиз.

Ўзаро ўйинлар
Шу кунгача "Навбаҳор" ва "Насаф" клублари 50 марта тўқнаш келишган. 22 та ўйинда қаршиликлар зафар қучишган, 13 марта наманганликлар ғолиб бўлишган. Қолган 15 та баҳсда дуранг кузатилган. Ўзаро ўйинларда "аждарлар" 79та, "лочинлар" 66та гол уришган.

"Насаф" чемпионат доирасида 2013 йилдан буён сафарда "Навбаҳор"ни мағлуб эта олмай келмоқда.

"Навбаҳор" мезбон бўлган сўнгги беш учрашув:
19.03.2021 "Навбаҳор" - "Насаф" 0:0
26.09.2020 "Навбаҳор" - "Насаф" 0:0
31.10.2019 "Навбаҳор" - "Насаф" 1:1
07.04.2018 "Навбаҳор" - "Насаф" 0:0
25.11.2017 "Навбаҳор" - "Насаф" 1:0

Янги футболчилар
Иккала жамоа ҳам қишки трансфер ойнаси вақтида бир қатор янги ижрочиларни ўз сафларига қўшиб олишди.

"Навбаҳор": Ислом Кенжабоев, Нурилло Тўхтасинов, Станислав Андреев, Андрей Сидоров, Жамшид Болтабоев, Элгужа Григалашвили, Егор Кримец, Асадбек Собиржонов, Жамшид Искандеров, Зоран Марушич, Йован Жокич, Рустам Ашурматов.
"Насаф": Иван Соловьёв, Шароф Муҳитдинов, Семир Смайлагич, Акмал Содиқов, Шамшод Субхонов.

Стадион
"Навбаҳор" – "Насаф" учрашуви 3 март куни Намангандаги "Марказий" стадионда соат 18:30 да бошланади.

Ҳакамлар
Учрашувни Ильгиз Танташев бошчилигидаги ҳакамлар бошқариб боришади. Ўтган мавсум ушбу ҳакам "Навбаҳор" иштирокидаги иккита ўйинда ишлаган ва уларда "лочинлар" мағлуб бўлишмаган ва гол ўтказишмаган: "Металлург" мағлуб этилган - 1:0, АГМК билан дуранг кузатилган - 0:0.

Танташев ўтган йил "Насаф"нинг "Пахтакор"га қарши баҳсини бошқарган. Ўшанда "аждарлар" ўз майдонида 2:3 ҳисобида ютқазишган.


"Навбаҳор" – "Насаф"
3 март 2022 йил. Наманган. "Марказий" стадион. 18:30
Ҳакамлар: Ильгиз Танташев, Андрей Цапенко, Тимур Гайнуллин, Абдурашид Худойберганов
Назоратчи: Александр Попов
VAR ҳаками: Аҳрол Рисқуллаев
VAR ассистент: Зиёдулла Абдураҳмонов
Комиссар: Бекзод Арипов.

Navbahor

Superliga. Round 1 03/03/2022, 18:30 0 : 0 Finished

Nasaf

45'

90'

45'  Bojan Ciger (Nurillo Tukhtasinov)

62'  Davron Khashimov

63'  Islom Kenjaboyev (Asadbek Sobirjonov)

63'  Элгужа Григалашвили (Zoran Marusic)

62'  Шерзод Насруллаев

63'  Husniddin Alikulov

63'  Bahrom Abdurahimov (Ivan Solovyov)

63'  Shahzod Akramov (Sukhrob Nurulloyev)

84'  Husayin Norchaev (Semir Smajlagic)

84'  Umidjon Ergashev

90'  Шерзод Насруллаев (Alibek Davronov)

Open in Match Center