"Навбаҳор" мухлислари “Нефтчи” Суперлигада ўйнашидан хурсанд
25 jan 2018 10:47
News

"Навбаҳор" мухлислари “Нефтчи” Суперлигада ўйнашидан хурсанд

Хабарингиз бор, кеча ПФЛ 2018 йилги мавсумда Суперлигада иштирок этадиган клублар номини расман эълон қилди.

Аввалига Про-лигада қатнашиши кўзда тутилган Фарғонанинг “Нефтчи” жамоаси яна кучлилар сафига қайтди. “Нефтчи”нинг Суперлигада иштирок этиши ойдинлашгач, “Навбаҳор” мухлислари бундан хурсанд бўлганликларини билдиришди.

Мухлислар клуби сардори Фарҳод Умаралиев ва фаол мухлислардан бири Мухтор Юсуббаевлар бу ҳақда эътироф этишди.

Мухлислар Ўзбекистон чемпионатларидан азалий рақиб сифатида иштирок этиб келаётган “Навбаҳор” ва “Нефтчи” жамоалари ўртасидаги “водий дерби”ларини ўзига хос руҳда ўтишини билдириб, “Нефтчи” клубини Суперлигага қайтганлиги билан табриклашди.