"Навбаҳор": Машғулотлар Тошкентда давом эттирилади
10 oct 2017 15:54
News

"Навбаҳор": Машғулотлар Тошкентда давом эттирилади

Тошкентнинг “Локомотив” жамоаси билан бўлиб ўтадиган учрашувга ҳозирлик кўраётган "Навбаҳор" аъзолари бугун Тошкентга йўл олишди.

Эрталабки машғулот Наманганда ўтказилгач, жамоамиз делегацияси куннинг иккинчи ярмида пойтахт сафарига жўнаб кетишди. Жамоамиз икки кун давомида Тошкентда шуғулланишади. 24-турдан ўрин олган “Локомотив” – “Навбаҳор” жамоалари ўртасидаги учрашув 13 октябрь куни “Локомотив” ўйингоҳида бўлиб ўтади. Эслатиб ўтамиз, чемпионатда юзага келган танаффусдан туфайли қисқа муддатлик таътилга чиққан жамоамиз тайёргарликни 5 октябрь куни бошлаб юборганди.

“Навбаҳор” футбол клуби матбуот хизмати.