"Навбаҳор": Жамоамиз Қаршига йўл олди

Бугун тунда "Навбаҳор" ёшлари Қарши сари йўлга отланишганди. Айни пайтда ёшлар Қаршига етиб келиб, “Сарбон” меҳмонхонасига жойлашишга улгуришди. Ёшлар биринчилигидан ўрин олган учрашув бугун соат 15.45 да бошланади.

Асосий таркиб аъзолари бироздан сўнг йўлга тушишади. "Навбаҳор" аъзолари тунда Қарши шаҳрига етиб боришади. Айтиш жоизки, "лочинлар" Қаршига бир қатор йўқотишлар билан йўл олмоқда. “Бухоро” билан ўтган учрашувда қизил карточка билан жазоланган Қаҳрамон Маҳаммаджонов, Дилшод Жабборов ва сариқ карточкалари сонини тўрттага етганлиги сабабли Акрам Баҳриддиновларни “Насаф” билан ўйинда қатнаша олмасликлари ҳақида аввал хабар бергандик.

Воҳа сафари олдидан улар сафига жароҳат сабабли Алишер Маҳмудов, Руслан Вагапов, Дорджи Сангаджиев каби футболчилар ҳам қўшилишди. Эртага бўлиб ўтадиган “Насаф” ва “Навбаҳор” жамоалари учрашуви соат 17.30 да старт олади.