"Навбаҳор": Исоқжонов Тошкент йиғинида сафга қўшилади

Режага кўра футболчиларимизнинг Тошкентдаги йиғини 21 июль куни бошланиши керак эди. Сўнгги паллада машғулотларни 22 июлдан ўтказилиши маълум қилинди. Аввал хабар бериб ўтганимиздек, Тошкентдаги йиғинда жамоа сафига янги футболчилар қўшилиши кўзда тутилганди. Бундан бироз вақт олдин биринчи даврани “Андижон” сафида ўтказган футболчи Ислом Исоқжоновни Тошкентдаги йиғинда қатнашиши ҳал қилинди. Аслин Наманган футболи тарбияланувчиси ҳисобланган Исоқжонов жамоамизнинг мавсум бошида ташкил этилган машғулотларида ҳам қатнашганди. Бундан ташқари пойтахтдаги йиғин чоғида гондураслик Густаво Армандо Алварадо Руби (10.11.1990) ва россиялик Дорджи Сангаджиев (19.02.1996)ларни таркибга қўшилишлари кутилмоқда. Густаво ҳужум чизиғида ҳаракат қилса Дорджи ярим ҳимоячи саналади. Густаво олдин Гондураснинг “Мотагуа” клубии шарафини ҳимоя қилган. Сангаджиев эса жорий йилги мавсум биринчи ярмини Махачқалъанинг “Анжи” жамоаси сафида ўтказди. Ушбу футболчилар мураббийларда яхши таассурот қолдиришса иккинчи даврани “Навбаҳор”да ўтказиш имконига эга бўлишади.