"Навбаҳор": Ҳайитов кетди, Ашурматов келди
13 feb 2014 19:38
News

"Навбаҳор": Ҳайитов кетди, Ашурматов келди

Мавсумга тайёргарликни Тошкентда олиб бораётган "Навбаҳор" таркибида кичик ўзгаришлар рўй берди.

Шу пайтга қадар ўтказилган машғулотларда қатнашган ҳимоячи Маҳсуд Ҳайитовга мураббийлар штаби жавоб беришни лозим топишди. Ҳайитов ўтган мавсум биринчи ярмини “Навбаҳор”да ўтказгач, мавсум иккинчи қисмини “Косонсой”да ўтказганди. Эндиликда футболчи бошқа жамоадан қўним топишга уриниб кўради.

Ўз навбатида таркибга ёш дарвозабон Нодир Ашурматов қўшилди. 1994 йилнинг 1 июль санасида туғилган посбон ўтган мавсумда Жиззахнинг “Сўғдиёна” жамоасида ўтказганди. Шундай бўлсада, Ашурматовга асосий таркибда майдонга тушиш насиб этмаганди. Бироз олдинроқ, мураббийлар штаби жамоада учинчи дарвозабон сифатида фаолият юритган Ислом Жўраевга жавоб беришганди. Ҳозирда Жўраев ПФЛ кубогида иштирок этаётган “Чуст-Пахтакор” сафида майдонга тушмоқда.

Link :

Source : pfcnavbahor.uz

Receive latest football news directly on your phone. Subscribe for our Telegram channel!

Rating: