"Навбаҳор": Эртага "Олмалиқ" билан ўйнаймиз

Кечки пайтги машғулотларда ҳам яна бир футболчи "лочинлар" сафига қўшилиши керак эди. Катта эҳтимол билан бу "Бунёдкор" вакили Анвар Ғофуров бўлиши кутилганди. Аммо Ғофуров машғулотларда кўриниш бермади. Таркибни кучайтириш ва рақобатбардош жамоани шакллантириш мақсадида футболчилар билан олиб борилаётган музокаралар тўхтагани йўқ.

Эртага Рашид Ғофуров шогирдлари Игорь Шквирин бошчилигидаги "Олмалиқ" жамоасига қарши назорат учрашуви ўтказишни режалаштиришган. Ўйин 12.00да бошланади.

Янги мавсумга жамоавий ўйинни яхшилаш мақсадида 17 февраль куни ҳам назорат учрашуви ўтказилади. Бу сафар "Навбаҳор" Навоийнинг "Қизилқум" клуби билан ўзаро куч синашади. Тошкентдаги йиғиннинг сўнгги кунида (20 февраль) "лочинлар" яна бир назорат ўйини ўтказишади. Ушбу рақиб номи тез орада маълум бўлади.