Latest news

00:42CAFA Nations Cup-2025. Энг яхшилар аниқланди ва ғолибга соврин топширилди  2 00:30Муҳаммадрасул Абдумажидов Бельгия клубига ўтмайди  0 00:14Славен Билич Ўзбекистон терма жамоаси бош мураббийига айланиши мумкин  19 00:05Тимур Кападзе: "Эрон терма жамоаси қачон рози бўлган ўзи?"  84 23:00Қозоғистон Президенти Тоқаев: "Футбол клубларини хусусийлаштириш бўйича ишларни тезлаштириш керак. Бусиз футбол ривожланмайди"  4 21:50"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди  1011 20:32Шавкат Мирзиёев Жанни Инфантинога “Дўстлик” орденини топширди  16 20:26Португалиялик мураббий Озарбайжон терма жамоаси бош мураббийлигидан кетди  11 19:52CAFA Nations Cup турнирида сенсация! Ҳиндистон пенальтилар сериясига кўра Ўмондан устун келиб, 3-ўринни қўлга киритди!  16 19:13Гвардиола Абдуқодир Хусанов учун янги режа ишлаб чиқди  11 18:32ЎФА раҳбарияти Ўзбекистон МТЖга таклиф этишни хоҳламаган мураббий "Байер"ни бошқаради  10 18:04Амирҳуссайн Ҳуссайнзода: "Ҳакамлар Ўзбекистон фойдасига қарор қабул қилмоқда"  20 17:42Ахбор Имомхўжаев хотира турнири-2025. Мусобақа, жамоалар, гуруҳлар ва яшил майдонга қайтаётган юлдузлар  5 17:30Омид Нурафкан: "Ўзбекистонни икки-уч гол фарқи билан мағлуб эта оламиз"  10 17:02CAFA Nations Cup финалига мезбонлик қилаётган "Олимпия" стадионидан ГАЛЕРЕЯ  9

"Навбаҳор" - "Бухоро" 3:1. Сайтимиз мухбирининг Наманганга бир кунлик сафари таассуротлари News

"Навбаҳор" - "Бухоро" 3:1. Сайтимиз мухбирининг Наманганга бир кунлик сафари таассуротлари

Бугун Суперлига 12-туридан ўрин олган "Навбаҳор" ва "Бухоро" жамоалари ўртасидаги учрашувни ёритиш учун Наманган шаҳри томон йўлга отландик.

 "Навбаҳор" жамоасининг уй учрашувлари ҳамиша кескин курашларга бой ва томошабоп тарзда ўтиб келган.

Наманганга ўйин бошланишидан бир соат аввал етиб бордик. Шаҳар ичига кириб борар эканмиз, бозорлар ва аҳоли гавжум жойларда "Навбаҳор"-"Бухоро" учрашуви афишалари ўрнатилганлигига гувоҳ бўлдик, умуман олганда шу куни бу масканда футбол ҳавоси кезиб юрганди. Ниҳоят учрашув бўлиб ўтадиган "Марказий" ўйингоҳга етиб келдик.



Бу вақтга келиб стадионга мухлислар ташрифи аллақачон бошланган ва марказий секторлар футбол мухлислари билан тўлганди.

Вақтимиз борлиги туфайли жамоаларнинг ўйинолди машғулот жараёнларини кузатдик.


Ўйин ҳақида

Ниҳоят белгиланган вақт етиб келди ва учрашув бошланди. Илк дақиқаларданоқ "Навбаҳор" вакиллари ҳужумкор ўйин намойиш эта бошладилар. Учрашувнинг 9-дақиқасидаёқ ҳисоб очилиши мумкин эди, бу вазиятда қанотдан етказиб берилган тўпга Шахзод Шаймановнинг бош билан йўллаган зарбаси бир оз ноаниқ бўлди.



Учрашувнинг боришидан "Бухоро" жамоаси бугунги ўйинда қарши ҳужум тактикасини танлаганлигини билиш қийин эмасди. Биринчи бўлимнинг 11-дақиқасида меҳмонлар ўз жарима майдонлари яқинида ўйин қоидасини бузишди. Азимжон Ахмедовнинг ерлатиб йўллаган кучли зарбасини "Бухоро" посбони Хуршид Ходжаев эгаллаб олди. Мезбонлар томонидан ташкил этилаётган кетма-кет ҳужумлар учрашувнинг 14-дақиқасига келиб самара келтирди. "Навбаҳор" вакилларининг навбатдаги ҳужумларидан бирида бухороликлар дарвозабони тўпни қайтарди, қайтган тўпга мезбонлар ҳужумчиси Шахзод Шайманов зарба бериб, ҳисобни очди. Орадан 3 дақиқа ўтиб мезбонлар иккинчи голни киритишди. 14-дақиқада яна ўша Шахзод Шайманов чамаси 20 метрлардан кучли зарба йўллаб, ҳисобни 2:0 га етказди.


Ўтказиб юборилган голдан сўнг "Бухоро" жамоаси футболчилари тўп назоратини қўлга олдилар. Биринчи бўлим якунига қадар ҳар икки жамоа вакилларида вазиятлар юзага келган бўлса-да, дарвозаларга бошқа гол киритилмади.

Иккинчи бўлимни ҳар икки жамоа вакиллари фаол бошладилар.52-дақиқада Азимжон Аҳмедовнинг зарбасидан сўнг, тўпни "Бухоро" дарвозабони ушлаб олди.

61-дақиқада Иван Соловьёвнинг зарбасидан сўнг, тўп дарвоза тўсини тепасидан ўтиб кетди. 63-дақиқада Шаҳзод Шаймановнинг зарбасидан сўнг, тўп дарвоза устунига тегиб қайтди.

65-дақиқада "Бухоро" ҳимоячиси Владимир Баенконинг зарбаси ноаниқ чиқди. 69-дақиқада Иван Соловьёвнинг голи ўйиндан ташқари ҳолатда урилди, деб инобатга олинмади. 87-дақиқада Иван Соловьёв меҳмонлар дарвозасини аниқ нишонга олиб, ҳисобни йириклаштирди - 3:0.

89-дақиқада меҳмонлар пенальтидан ҳисобни қисқартиришди. 11 метрли жарима зарбасини Владимир Баенко аниқ амалга оширди - 3:1. Учрашув шу тариқа "Навбаҳор" жамоасининг ғалабаси билан якунланди.


Мухлислар ҳақида


Доимгидек бугунги учрашувда ҳам Наманган шаҳридаги "Марказий" ўйингоҳга кўплаб футбол мухлислари ташриф буюришди.


Ўйин якунида учрашувни трибунада томоша қилган "Навбаҳор"нинг собиқ бош мураббийи Андрей Канчельскисни жамоа футболчилари ва мухлислари мана шундай олқишладилар



НАВБАҲОР – БУХОРО 3:1 (2:0)

Ҳакамлар:
Шерзод Қосимов, Алишер Усмонов, Санжар Шоюсупов, Аҳмаджон Эргашев
Назоратчи: Ноил Лутфуллин
Комиссар: Сардор Қудратуллаев

Голлар: Шаҳзод Шайманов 14, - 1:0. Шаҳзод Шайманов 17, - 2:0, Иван Соловьёв 87, - 3:0, Владимир Баенко 89-пен, - 3:1

"Навбаҳор": 1.Ўткир Юсупов, 5.Славко Лукич, 7.Азим Аҳмедов (90.Зафар Тўраев, 68), 8.Шаҳзод Шайманов, 9.Иван Соловьёв, 11. Александр Касьян. 15.Обид Жўрабоев, 19.Мирзоҳид Ғофуров, 22.Игорь Голбан, 32.Жаҳонгир Меҳмонов, 70. Аббос Ғуломов.
Захира: 23.Дилшод Ҳамроев, 25.Мирзоҳид Маматхонов, 14.Баҳодир Насимов, 29.Хожиакбар Юнусов, 34.Комилжон Тожидинов, 55.Ғиёсжон Комилов, 96.Илҳомжон Алибоев.

"Бухоро": 46.Хуршид Ходжаев, 4.Миржалол Жумаев, 9.Асадбек Собиржонов, 17.Жамолиддин Убайдуллаев, 23.Беҳруз Шодмонов, 27.Раббим Ҳасанов, 28.Эргаш Исмоилов, 29.Владимир Баенко, 79.Жаҳонгир Абдумўминов, 90.Артём Кулеша, 99.Достон Ибрагимов.
Захира: 25.Шоҳжаҳон Насимов, 35.Раҳимжон Давронов, 3.Азамат Исроилов, 11.Акобир Тўраев, 34.Тоҳиржон Шамсиддинов, 55.Оҳунжон Сайфиддинов, 70.Акрам Баҳриддинов, 87.Анваржон Жўраев, 95.Мирфайз Муҳиддинов.

Огоҳлантиришлар: Владимир Баенко 55, Беҳруз Шодмонов 57


Бекзод Толибов тайёрлади

Rating: +19   

Comments

championat.asia
< show latest news
Яндекс.Метрика