Натан Аке "Рединг"га ижарага берилди

У 22 апрелга қадар ушбу клуб шарафини ҳимоя қилади. Голландиялик футболчи 2011 йилдан буён "Челси"да жами 11та ўйин ўтказди.

Натан универсал футболчи ҳисобланади, у таянч ярим ҳимоячиси, чап ёки марказий ҳимоячи ўрнида ўйнай олади.

Бироқ айни пайтда Жозе Моуриньо жамоасида рақобат жуда юқори бўлгани учун 20 ёшли Аке деярли майдонга тушмаяпти. Шу боис Натан бир ой давомида "Рединг"да ўйнайди.

Кларк жамоаси Англия кубоги ярим финалида "Арсенал"га қарши ўйнайди. Аке "Уэмбли"да майдонга тушмайди, сабаби бу мусобақада у "Челси" сафида ўйнаб бўлган.