“Насаф”нинг U-18 жамоаси мавсум тайёргарлигига киришган
23 feb 2018 11:28
News

“Насаф”нинг U-18 жамоаси мавсум тайёргарлигига киришган

Бу йилдан ҳар бир Суперлига клублари қошида U-18 ёшлар жамоаси ҳам фаолият юритади.

“Насаф” футбол клубида ҳам ана шу ёш тоифасидаги жамоа ташкил бўлмоқда. Бу жамоага Ўзбекистонда хизмат кўрсатган ёшлар мураббийи Нурали Султонов устозлик қилади. Унга мураббий Насим Шойимов ёрдам беради.

"Насаф"нинг U-18 жамоаси 14 февралдан Қарши шаҳрида янги мавсум тайёргарлигини бошлаб юборган. Ҳозирча мураббийлар кўригида 45 нафар футболчи иштирок этмоқда. Кўрик ниҳоясига етгач, жамоа таркиби бўйича тўхтамга келинади.

Мураббийлар бугун ёш футболчиларни жисмоний тайёргарлик бўйича синовдан ўтказишади.

Қуйидаги суратларда U-18 жамоа машғулотлари акс эттирилган.