“Насаф” Жиддада илк машғулотни ўтказди

Қаршидан Жиддага чартер рейс орқали сафарга чиққан жамоами делегацияси кеча тушдан кейин белгиланган манзилга етиб келди. Жиддадаги Қирол Абдулазиз халқаро аэропортида жамоамизни “Ал-Аҳли” клуби вакиллари ўзгача ҳурмат эҳтиром билан кутиб олишди. Аэропортдан шаҳар марказидаги “Marriot”меҳмонхонага етиб келган футболчиларимиз шу куннинг ўзида Жиддадаги “Ал-Аҳли” клубига қарашли машғулотлар майдонида илк машғулотларни ўтказишди.

Бугун жамоамиз аъзолари бир маҳал машғулот ўтказишади ва рақиб жамоа иштирокидаги ўйин кўриб чиқишади. Эртага ўйинолди расмий тадбирлар – менежерлар митинги ва ҳар иккала жамоа бош мураббийи ва футболчиси иштирокида матбуот анжумани ўтказилиши режалаштирилган.

Азиз НУРИЙ,
Жидда, Саудия Арабистони.