"Насаф": "Ворскла"га қарши ўйинда дарвозани Элдор Суюнов қўриқлади

Ушбу учрашувда жамоамиз мураббийи Геворкян, Юнусов  сингари етакчи футболчиларимизни майдонга туширмади. Аксинча, ёшларга кўпроқ эътибор қаратилди.  

Учрашув тақдири амалда биринчи бўлимда ҳал этилди. “Ворскла”нинг македониялик ҳужумчиси Адис Якович дастлаб ҳимоячиларимиз хатосидан фойдаланиб ҳисобни очган бўлса, кейинчалик иккинчи тўпни ҳам дарвозага аниқ йўллашга эришди – 0:2.

Иккинчи бўлимда Мақсуд Каримов ва  Азамат Алланиязовда рақиб дарвозасини ишғол этиш учун яхши имкониятга эга бўлишди. Аммо омад шу куни рақиб томонида бўлди.

“Ворскла”га қарши ўйинда қуйидаги футболчилар майдонга чиқишди:

“Насаф”: Элдорбек Суюнов, Шуҳрат Муҳаммадиев, Ҳамза Каримов, Мақсуд Каримов, Ботир Қораев, Фарруҳ Сайфиев, Эркин Бойдуллаев, Улуғбек Дадабоев, Лазиз Убайдуллаев, Кенжа Тўраев, Игорь Таран.
Захирадан майдонга чиққанлар: Михаил Наумов, Азамат Алланиязов, Шерзод Аъзамов, Одил Ҳамробеков, Нажмиддин Нормуродов,  Обид Мамотов, Мирзамурод Жўрабоев, Дониёр Нарзуллаев.

Футболчиларимиз йиғин доирасида сўнгги назорат учрашувини Украинанинг “Карпати” жамоаси билан ўтказишади.