“Насаф” кўригидаги словениялик Рой Рок ҳақида қисқача

Бир неча кундан бўён “Насаф” сафига қўшилган словениялик чап қанот ҳимоячиси бўлган 28 ёшли – Рой Рок кўрикдан ўтмоқда. Рой Рок 1986 йил 10 августда туғилган. Словения фуқаросидир.

Рой Рок ўз фаолиятини Словениянинг энг кучли жамоаси – “Марибор”да бошлаган. Сўнг “Меленчик” клубига ўтган, бу клубда озроқ фаолият юритгач яна қадрдон “Марибор” клубига қайтиб келган.

Рой Рок ўз фаолиятида биринчи марта кучини синаб кўриш учун хорижга йўл олади. У австриянинг “Вольфсбергер” клубида бир йил ўйнагач яна юртига қайтиб келади. Навбатдаги хорижга чиқишгача у “Сентура”, “Олимпик” ва “Рудара” жамоаларида тўп тепишга улгурган. Шундан сўнг Рой Рок голландиянинг биринчи дивизионида қатнашадиган “Волендам” жамоасида ўйнаган. “Волендам” жамоасидан ўтган йили Қозоғистоннинг Жамбил шаҳри “Тараз” клубига кўчиб ўтади.

“Тараз” билан бир йиллик шартнома имзолаган Рой Рок 24 марта майдонга тушиб, бир марта гол уришга эришган. У мавсум якунига еткач яна ўзига янги клуб қидира бошлади.

Айни пайтда Рой Рок Анталадиияда “Насаф” кўригидан ўтмоқда. У Рўзиқул Бердиев “имтиҳон”идан ўтса, жамоа билан шартнома имзолаши мумкин. Эслатиб ўтамиз, ҳозирда “Насаф”нинг чап қанот ҳимоя чизиғида 35 ёшни қоралаб қўйган – катта тажриба соҳиби Ботир Қораев ўйнаб келмоқда.