“Насаф”: Жамоамиз яна машғулотларга киришди
25 jan 2017 22:15
News
![](https://championat.asia/upload/storage/237246_original.jpg)
![](/upload/storage/237246_220.jpg)
“Насаф”: Жамоамиз яна машғулотларга киришди
Шундан сўнг мураббийлар футболчиларга қисқа муддатли танаффус беришди. Бугундан, яъни 25 январдан бошлаб, жамоа Қарши шаҳридаги ўз қароргоҳида йиғилди ва машғулотларга киришди.
Қарши шаҳридаги тайёргарлик машғулотлари 28 январгача давом этади ва шу куни жамоа Тошкент шаҳрига жўнаб кетади. Машғулотлар Тошкент шаҳрида ҳам давом эттирилади.
“Насаф” таркибидаги ўзгаришларга тўхталадиган бўлсак. Жамоани расман Фозил Мусаев, Шуҳрат Муҳаммадиев, Илдар Маматказин ва Азамат Алланиёзов тарк этишган. Муқаддам “Бунёдкор” жамоасида тўп тепган Акмал Шораҳмедов энди жамоа шарафини ҳимоя қилади. Аввал ёшлар ҳамда “Насаф-2” жамоаси сафларида фаолият юритган бир қатор футболчилар энди асосий таркиб ўйинчиларига айланишди. Таркибида бошқа ўзгаришлар йўқ.
“Насаф” бу йилги Осиё чемпионлар лигасидаги иштирокини ўтиш босқичидан бошлайди. 31 январ сешанба куни Тошкент шаҳридаги “Бунёдкор” стадионида бўлиб ўтадиган дастлабки босқич учрашувида "Насаф", Баҳрайннинг “Ал-Ҳидд” жамоасига қарши майдонга тушади. Учрашув соат 16:00да бошланади.
“Ал-Ҳидд” ҳам юртимизга 28 январь куни кечки пайт ташриф буюради. Клуб расмий делегацияси ва футболчилари Тошкент шаҳридаги “Мiran international” меҳмонхонасига жойлашишади.
“Насаф” ПФК матбуот хизмати
Similar news
![AMP Logo](https://championat.asia/image/logo-amp.png)
Comments