“Насаф” БАА йиғинини якунлади
07 feb 2016 11:55
News

“Насаф” БАА йиғинини якунлади

12 куни давомида Бирлашган Араб Амирликларининг Дубай ва Абу Даби шаҳарларида ўқув-машғулот йиғини ўтказган “Насаф” футболчилари 7 февраль куни Ўзбекистонга қайтишади.

Йиғин давомида футболчиларимиз тўртта назорат учрашувини ўтказишди. Дастлаб Жанубий Корея чемпиони “Чонбук Моторс” жамоаси иккита таркибда учрашув ўтказилган бўлса (0:0, 3:5), кейинги баҳсда Хитойнинг “Хенан” жамоаси билан 1:1 ҳисобида дуранг натижа қайд этилди. Сўнги баҳс эса Россиянинг “Крилья Советов” жамоаси билан ўтказилди (2:4).

“Насаф” делагацияси 7 февраль куни Шаржа-Тошкент авиайўналиши орқали юртимизга қайтиб келади. Қисқа танаффусдан кейин футболчиларимиз Қаршидаги қароргоҳларида тўпланишади ва 17 февраль куни “Пахтакор”га қарши Ўзбекистон суперкубоги учун кечадиган баҳсга тайёргарликни бошлашади.

Link :

Source : fcnasaf.uz

Receive latest football news directly on your phone. Subscribe for our Telegram channel!

Rating: +6