Нагельсманн Шупо-Мотингга ишонади

"Бавария" бош мураббийи Юлиан Нагельсманн ҳужумчи Эрик Шупо-Мотингга умид боғлашини айтди.

"Бир ярим йил давомида у ҳар доим ҳам тўлиқ машқ қила олмади. Аммо ҳозир мунтазам ўйнаяпти, жисмоний тайёргарлиги яхши даражада. У доимо рақиб дарвозаси олдида хавф туғдирадиган жуда яхши футболчи. Ва бизнинг жамоада уни яхши кўришади, бу ҳар доим муҳим. Агар сизни яхши кўришса, пас беришади.

Албатта, биз у билан музокара олиб бораётганимиз ва шартномани узайтиришга ҳаракат қилаётганимиз ажойиб. Мен унга, агар у худди шундай қаттиқ ишлашда давом этса, мавсумнинг иккинчи қисмида муҳим роль ўйнашини айтдим", – деди мутахассис.

Аввалроқ "Бавария" Шупо-Мотингни сақлаб қолиш ниятида эканлигини маълум қилган эди.