Нагельсманн: "Қизил карточка йўқ эди"

"Упамекано жуда паст куч билан Плеани тортди. Унинг елкаси бир миллиметрга ҳам қимирлагани йўқ. Бу қизил карточка эмасди, менимча, барча фикримга қўшилса керак. Шунчаки ўйиндан кейин бош ҳакам келиб: "Бу қарорни чиқариш оғир бўлди", деб қўйганда ҳам тушунардим. Аммо ундай бўлмади.

Барча хато қилиши мумкин, бу муаммо эмас. Мураббий сифатида ўз хатоларимни тан оламан. Бироқ сизда хато қилмаслик учун экран чиқариб қўйилди.

Хиссиётлар спортнинг бир қисми. Айнан қизил карточка сабабли ўйиндан кейин хиссиётларга берилдим. Лекин ишлатган сўзларим учун бош ҳакам Тобиас Вельц ҳамда унинг ёрдамчиларидан узр сўрайман. Чегарадан ўтиб кетганимни биламан.

Гап фақатгина қизил карточкада эмас. Менимча дастлабки 7 дақиқаликнинг ўзида ўйин тақдирини ҳал қилишимиз мумкин эди. Мағлубиятнинг асосий айбдорлари ўзимиз.

Кейин, албатта, эрта қизил карточка барчасини қийинлаштириб юборди. Париждаги баҳсдан кейин бизга куч етишмади", - деди Нагельсманн.