Надаль Зидан ҳақида: “Ишонаманки, у ҳали қайтади”

“Албатта, бу хабар кўпчиликни ҳайратда қолдирди. Зидан – ажойиб инсон. У ўз ишининг устаси эди ва жамоамиз билан юксак марраларни забт этди.

У омадли инсон сифатида барчага ўрнак бўла олди. Зидан ҳар қандай вазиятда ҳам оддий ва самимий инсон бўлиб қолди. Футболчилар, клуба ва бошқалар ҳақида ҳеч қачон ёмон гапларни гапирмади. Мен ҳеч қачон уни ҳакамлардан нолиганини эшитмаганман.

Зидан доим хотиржам эди. Матбуот анжуманларида доим кулиб турарди, ҳаттоки керакли натижага эришмаган пайтлардаям... Якунда у Чемпионлар лигасини ютди. Аммо мавсум давомида у қийин даврни бошидан кечирди.

Ўйлайманки, у ҳали қайтади. Унга ҳамма учун ўрнак бўла оладиган феъл атвори, қўлга киритган натижалари учун миннатдорчилик билдираман”, деди Надаль.